Australia

Am Mettwoch beni scho chli ofem Grossichauf för mini Reis gsi. I ha en neui Digicam kauft, damet ich euch denne schöni Belder ed Stobe cha brenge. Natürli tueni denne au es Foti vo minere Familie do ine.

Osserdem hani mer no e gueti Jagge müesse Poste. Das esch aber nonig alles, es fehlt no en Huufe wie zom Bispel Schlössli för a mini neu Koffere ond en internationale Stecker…. mer glaub gar ned was mer alles so muess metschleppe aber schliesslech wott mer jo of nüt verzechte det onde.

Das met em Koffer packe werd denne auä no en heikli Sach, well ich döf glaub nor 28 kg Gepäck metneh ond das esch ned grad vell. Mol luege was dasi denne alles dehäime loh

Grüessli Marion

Am 16.08.06 semer euses Möneli go verabschede. Mer händ be ehre dehäime gmüetlech brötlet ond echli Pläuderlet. D Fraue vo de Jongschi send no cho, ehri Nochberi ond natürlech esch de Stefan ond de Pädu au dete gsi. Mer händs no lostig gha ond de Fidi het eus allne no en Pfauefädere gschänkt s Ässe esch super gsi, aber s Dessert esch no vell besseer gsi. Es het es ganz feins Himbeertiramisu geh ond en feine Schoggiläbchueche!

De Obe esch denn aber scho bald z änd gange, ossert s Chregeli esch den spöter no bem Möni gsi ond bes ed Nacht ine blebe. Jo ond am 18.06 esch es dene so wiit gsi, d Möne esch abgfloge rechtig Perth…. Dete macht sie zerst en Monet Schuel, bes ich denne chome ond den probiere mer zäme s First z mache.